CAReKINE business summit

  • Written by admin
  • 18 March 2013 at 21:37
  • Monday, 25 June 2012 12:38
    DSC_2063
    Diabierna 22 di Juni 2012 EPD-Management Consultancy a organisa un evento unico y tremendo esta e CAReKINE BussinessSummit 2012.

    Den e sede di ABN-AMRO den Amsterdam diferente functionarionan halto di diferente paisnan, ambasador-nan e.o. minister Plenipotenciaro di St. Maarten y Aruba su excellencia senor Voges y senor Abath, minister di economia su excelencia senor Nasser EL Hakim di Corsow y diferente representantenan di Aruba, Corsow, Bonaire St. Eustatius, St. Maarten,  Bahamas y Bermuda a encontra cu diferente empresa y multinationals di Hulanda cu kier a inventarisa pa wak ki posiblilidad tin pa nan inverti den paisnan den e region Caribense y paisnan di e reino Hulandes den Caribe.

    Entre e diferente prominentenan sra. Dr. Carla Barnett e vice presidente di CARIBANK (Caribbean Development Bank) a duna un tremendo presentacion na unda e a duna informacion concreto con pa hanja procurements of finansa pa inverti den paisnan Caribense. Tambe diferente representantenan di ministerio di relacionannan exterior di Hulanda tawata presente anto a duna nan presentacion informativo tocante di legislacion cu mester tene cuenta cu nan. Minister Matthias Voges a entrega e organisadora Evelin-Pierre Dumfries tambe e Golden Book of Sint Maarten investesment trade and tourism (portret) pa e logro di CAReKINE.

    Tur e Ministernan a pone investornan realisa cu tin hopi posibilidat pa inverti na Aruba. Na final e participantenan tawatin e placer pa enjoy un diner ofreci pa EPD Management Consultancy.

    Senora Drs. Evelin- Pierre Dumfries como representante y director di e CAReKINE Bussiness group a hanja hopi elogio di e diferente participantenan y representantennan pa e initiativo aki y e nivel halto di e Summit. Sra. Dumfries lo percura pa organisa e di dos CAReKINE Bussiness Summitt.

     

    dowers dowers dowers
    dowers dowers dowers
    dowers dowers

    Source: http://www.24ora.com/internacional-mainmenu-6/49176-carekine-business